Cynhadledd Meddygaeth Digwyddiadau
CYNHADLEDD ARFER DA AR GYFER GWEITHWYR GOFAL IECHYD PROFFESIYNOL SY'N GWEITHIO AR DDIGWYDDIADAU DYGNWCH MEWN AMGYLCHEDDAU CALED.
Mae Ourea Events wedi trefnu digwyddiadau rhedeg mynydd hynod heriol yn y DU ers 2012. Dros nifer o flynyddoedd, ac mewn partneriaeth â gweithwyr gofal iechyd proffesiynol arbenigol, rydym wedi datblygu tîm amlddisgyblaethol mewnol o feddygon sy'n darparu gwasanaethau meddygol yn ein digwyddiadau naill ai'n broffesiynol neu'n wirfoddol.
Yn ystod y cyfnod hwn, rydym wedi cofnodi a chategoreiddio pob ymyrraeth feddygol yn ein digwyddiadau ac mae gennym set ddata unigryw o gyfraddau salwch ac anafiadau chwaraeon dygnwch sy'n cynnwys miloedd o gyfranogwyr. I roi syniad i chi, ar ddiwrnod prysuraf Ras Cefn y Ddraig® yn 2023, ceisiodd 56% o gyfranogwyr gymorth meddygol ac erbyn diwedd y digwyddiad roedd y tîm meddygol wedi cofnodi 556 o ymgynghoriadau mewn dim ond 6 diwrnod.
Nid profiad anecdotaidd yn unig sydd gennym ni i'w rannu, er mor bwysig ag y gall hynny fod, ond meddygaeth sy'n seiliedig ar dystiolaeth sy'n helpu cyfranogwyr i orffen eu digwyddiad.
